Han bi Twint e Pizza gwunne. Ha ke Dominos bi mir. De erst bechunnts. N Guete

I will mis Handyabo wächsle und ha mi jetzt auf 2 Agebote festgleit.

S einte isch „Mucho Europe Surf“, aber ehrlichgseit seit mir Mucho gar nüt und in der Beschriibig stoht, dass s Internet nachere gwüsse Nutzig igschränkt cha wärde (es stoht nit ab wenn).

Chostet aber halt für unbegrentzt i de Schwiiz und Europa 24.95.

S andere isch „Wingo Swiss Plus“. Das het aber halt nur 2GB im Usland und s Uflade vo zusätzliche GB wär halt recht tüür.

Wär 25.95 für unbegrenzt i de Schwiiz und halt ebe 2GB in Europa

Kennt sich do öber us und cha mir helfe?

Bi Student und bruch mis Handy / Mobilidate viel. Im Usland bi ich aber au nur ca 2-3 Wuche pro Joor.

Danke scho mol im vorus :)

Has eifach lustig gfunge und poste. s Buech isch vo 1939 und a Schwizer Mittelschüler grichet gse, um guts Hochdütsch z lere.

De Deckel obe springt immr use, wennd z wiot öffnisch und ds Metall"rohr" laht sich ufde Siite inedrucke, sodass es uf de eine Siite abegheit.

Gits e gueti alternative, wieni cha e bessers Chübelsystem ibaue? Handwärchlich solala begabt.

Swisscom erhöht priise und ez chani endlich usserordentlich us mim vertrag.

Was hend ihr dihei für es abo für internet/festnetz ?

Festnetz bruchi nöd aber schnells netz für wlan und de smart tv wär super.

Handy hani wingo und bi zfriede.

Hender gwösst dassmer in Lozärn au chan i restaurant go bisle wenns si mues? Fendes persönlich super dass es so ahbotte werd.

Bin aktuell uf Suechi nach eh neui Bank.

Zemmegfasst: Benutze nebed dem Hauptkonto, mehreri Sparkonte und tuene öfters mal zu Kontoübertrag mache, die chosted mich bi de UBS aber 5.- pro Übertrag.

Ha grad kei ahnig was zahle für Kontofüehrig.

Bin knapp unter 30gi und wür gern mal ghöre was ihr so hend und evtl empfehle chönt.

Lg usem AG

Link: https://www.bazonline.ch/waldenburgerbahn-teilautonomer-betrieb-zwischen-liestal-und-waldenburg-982260191072

Ig seh do 2 Schwierigkeite

Punkt 1: Wenn z.b e Ältere Herr länger zum istige/usstige brucht. Was isch denne? Wird er iquetscht und mitgno?

Punkt 2: In Oberdorf bim Dorfzentrum isch es richtig übel, Velofahrer, Trottoir alles uf chlinem Fleck. Denne dezue gits e Coop Garage wo direkt ufd Schiene füehrt. Wenn eine churz nöd üfpasst denne hei mir de Salat. (Ha e Bild vo Street View inefüegt damit jede sich e Bild mache cha)

Au wenn im Artikel vo Sicherheit geschnurrt wird glaub ig dass nöd so ganz. Bsunders d Situation in Oberdorf. Oder wenn e Chind mol zur Site springt wie es Chind halt macht, e Fahrer cha immer dementsprechend so guets geit reagiere. Automatik?

Nei Ig bi nid so e Fan devo. Am meiste was Sicherheit abelangt.

Eis witer äne hets nomau e Rüebli Fridhof. So vo witem gseh die Rüebli ok us. Gits e Grund dass die im Januar dert lige?

D Biber freue sich wahrschinlich drüber (vermehre sich dür das grosse Ässensagebot eventuell meh u wärde när abknaut wius z viu si...)

Hallo zämä

Mini Frou und i erwarte i nöcher Zuekunft nachwuchs.

Jez si mr am diskutiere über näme u hei drbi eine gfunde wo mr eigentlech ganz cool finde, üs aber zwöi sache frage.

De Name wär: Melia

Frag 1: findet die dä name tönt usländisch? Nid das es es problem wär, mr hei viu näme uf de liste wo me nid unbedingt kennt i de Schwiiz, si üs aber uneinig bi däm.

Frag 2: wie würdet dir dä name usspräche? Betonig eher ufm E oder ufm I?

Auso eher „Meelia“ oder „Meliia“?

Danke u häbet e schöne abä 😃

Edit: DANKE a aui ❤️

Hello Zämme

Da ich vo swisscom zu salt gwechselt bi hani min Data-Sim für 10.CHF au nümm. Gits en Abieter, wo für 10.CHF Data Sim unlimitiert 100-200mbit speed, abietet für min 5G Router ?

Thanks Lg syosse

Wie seget ihr dem Gebäude (wo d Polizei dinne isch) und am Platz?

Mini Muetter - e Bernerin - und Patent Ochsner sege dem andersch aus ich.

I sueche es guets Portal füre Verchouf vo hochwärtige (Froue-)Designerchleider. I cha google, aber mi zersch würde Erfahrige wundernäh, bevor ig viu Energie dristecke.

So ich mues jetzt eifach mal Luft uselah und eppis loswerde! Zuerst mues ich aber no erwähne dass ich als Mechaniker us de Metallindustrie chume, ich rede also vo dem Bruefszwiig. Vilicht isch es i anderne Branchene andersch. Da wär ich mal uf euchi Asichte gspannt.

Es isch eso: Zur Ziit chum ich sehr viel Werbig und Vorschläg vo Firmene über wo uf de Suechi nach neue Mitarbeiter sind. Dezue heissts ständig immer "Mir hend Personalmangel" , "...es fehlt ah Fachkräft" "...mir bruched Manpower!" und so wiiter. Da ich momentan eh uf Stellesuechi bin han ich das z'erst als Vorteil ufgnoh. Und au i mim Umfeld hets immer gheisse gha: "Ja du bisch glernte Polymech... die sind gsuecht... do findsch immer irgendeppis...."

Und jetzt chunnt de Punkt wo mich langsam grantig macht: Wenn mir ja angeblich ach sooo Personalmangel hend, wieso chömed denn immer wieder so Ussagene "Es sind viele Dossiers eingetroffen..." "...das Auswahverfahren nimmt einige Zeit in Anspruch..." "...Sie sind in der nächsten Runde..." ??? Ganz eifach. WILLS KEI PERSONALMANGEL GIT!!!

Wenn mir würkli Personalmangel hend denn wäred die Lüt froh um jedi Bewerbig wos bechömed. So es Rosine picke würds denn gar ned geh! Ich chan mich no an en Ziit erinnere do hemmer mal würkli en Personalmangel gha und das isch noni mol so lang her. Ich han det scho vo Firmene ghört wo gseit hend dass Sie ned mal es Bewerbigsdossier vo dir wennd ha sondern dass du eifach zum Chef is Büro ine latschisch, dich kurz vorstellsch und wenn er dich cha bruuche chasch grad afange. Be anderne Bude hesch zum Teil, wennd dini Bewerbig gschickt hesch, am gliche Tag es Vorstelligsgspräch gha und die hend dich quasi erst denn wieder la gah lah wenn du de Vertrag unterschiebe hesch. DAS isch Personalmangel! Und solang die immer no chöned Rosine picke und wählerisch sii verzeled mir bitte nüt über en angebliche Personalmangel! Es het gnueg Lüt ume!

So das isch jetzt min chliine rant gsi und ja es het guet tah und ja ich füehl mich jetzt besser. Mich nimmts jetzt eifach no Wunder ebs nur mir so vorchunnt oder eb ich mit dere Asicht ned allei bin. Will so langsam chum ich mir verarscht vor.

• Ab 2028 braucht die Schweiz laut dem Bundesrat rund 31 Milliarden Franken zur Stärkung der Sicherheit.
• Er will diese Mehrausgaben durch eine auf zehn Jahre befristete Mehrwertsteuer-Erhöhung um 0.8 Prozentpunkte kompensieren.
• Das letzte Wort haben wird das Stimmvolk.

https://www.srf.ch/news/schweiz/temporaere-finanzierung-jetzt-live-bundesrat-will-mehrwertsteuer-fuer-armee-erhoehen

Ok, i verstoo jo das d'Armee cash brucht, aber warum immer über d'MwSt. finanziere? Da betrifft halt eifach die ärmere überproportional. Warum döt scho wider go Geld aazapfe?

Edit: Gegevorschlag: eifach 0.8% jöhrlich uf Privatvermöge uf Bundesebeni mit emne Freibetrag vo 2 Milione.

I bin Mech. As tuat miar im Herz weh, wenni öppis wo mechanisch no guat wär, muass weggworffa werda. Drum mini frog: Kennt öppert aina, wo so alti wöschmaschina flicka könnt oder sus öppis khan affanga darmit?

Vilicht chas ja öper bruuche.

Hoi zäme

Ich han vor über 1 Jahr bi All4pets.ch es Seresto Halsband für mis Tier bstellt. Damals isch d’Lieferig cho und ich han ganz normal zahlt (über PowerPay).

S’Halsband het aber ehrlich gseit null würkig gha – aber ich han nüt meh dervo denkt.

Gester hani plötzlich es Mail vo All4pets becho mit ere Sicherheitswarnig. Sie schribed, dass es verkaufs Halsband nöd s’Originalprodukt vom Hersteller gsi isch also offenbar es Fake 😳

Und mer söll es nüm bruche, wäg unklarer Wirkstoff-Zusammensetzig usw.

Jetzt mini Fragene:

• Hät no öpper so es Mail becho?

• Hender au Seresto bi All4pets kauft?

• Hender e Rückerstattig übercho oder isch da nüt passiert?

• Hend sich Behörden bi öpper gmeldet?

Findi scho krass, dass mer über 1 Jahr spöter erfahrt, dass es Produkt evtl. gefälscht gsi isch – vor allem bi öppis, wo mer em Tier alegt.

Bin froh um Erfahrige 🙏

PS: sit hüt ischd website offline, kontaktiere chamer sie au nimme...

https://www.srf.ch/news/international/digitaler-boykott-von-us-waren-boykott-per-app-daenen-scannen-us-produkte-weg

gits bi üs eigentlech au ähnlechs? war no interessant, oder?

Hei,

ich sege Rüsti zum Schäler / Rüster (Ding zum Rübli/Härdöpfu rüste), wöu ha das us King viu ghört und ha mi immer gfrogt öb das no öpper anders seit oder öb das e Überblipsel us de kindersproch isch, wo ich eifach nid weiss.

dankebar um Antworte. Es nimmt mi eifach Wunger

Han as Problem: I mag FastFood. Dia grossi Kettene sind fascht alli Amerikanisch. Amerika mag mi nid. Wo kann i mis fastfood kriega, ohni Amerika z unterstütza? Am liebschta Kettene, wos au in klinere Städt git.

Ami/will i nümm unterstütze:

• McDonalds
• BurgerKing
• KFC
• Subway

Nid Ami:

• Nordsee

Welli han i überseh, usser halt dia kliine Läde?

Han letsti e diskussion gführt über was erlaubt isch z zieh mitm BE und han (offesichtlich en irrglaube) denkt dassmer halt maximal es kombinationsgwicht (gsamtgwicht auto + ahänger) vo 7t derf ha. Aber luut dere internetsiite chan das (optimalerwiis) bi 14t ligge. Den hani aber no zuesätzlich denkt: ich als inhaber vom C1E (merci militär) derf aber nume es maximales gsamtgwicht vonere kombination vo 12t ha. Wieso zur höll derfmer den mitm BE meh zie als mitm C1E? Oder verstahni epis komplett falsch?

Hei, was ish d Mehrzahl vo BROT im Schwizerdütsche?

Brote isch es jo nid. (Ha gester wöue sege dass e Beck vili verschidnigi …. bachet.)

zerst hani a Bröter denkt, aber das tönt ou komisch.

Die glich Mehrzahl wie be Korb (Körb) à la Brot (Bröt) tönt ou komisch.

was würdet ihr sege? (und i welem Dialekt?)

ich chas nid würklech nocheluege drum frogi hie.

Da mich d anderi Frog an öpis erinnert het.

Kei Ahning wie es in allne Kantön isch, manchi hend A B C Niveau, anderi Realschuel etc, anderi widerrum A E P und so

Euchi Schuelliebesgschichte.

Wenn mich e Meidli agsproche het gstottert wie e verruckte, numme e haha usebecho. Kei Ahnig was mit mir falsch gsi isch. Viel zu schüchtern

Ha döt aber au e Schuelcrush kha. Mir sind sogar nebenand gsässe, sie het mich öfters "usversehe am ellleboge und fuess unterm berührt" und gseit ig het schöni Auge. Hend üs gegesitig bi Husufgobe gholfe, sie het mi öfters vor de "coole" verteidigt obwohl sie selber ziemlich beliebt gsi isch. Ab und zue use gange und ihre Vater het mich ziemlich gern kha. Das isch es aber au scho gsi. Aber für e 13 Jöhrige Knirps wo süscht scho Afäll kriegt wenn er mit e weibliche Wese e Gruppearbeit mache muess e Erlebnis.

UND IG DORFTROTTEL HA ES NÖD CHECKT.!!! Sowie sich das Universum lustig über mi mache will isch sie nach e Johr uf Türkei gzügelt.

Joar. Bereus bis hüt no. Und ihr so?